Gusto nako humanon dayon ang away

CEBU, Philippines - Pambato  sa  ALA Boxing Gym nga si Milan 'El Metodico' Melindo (29-0, 12KOs) gusto'g paspas ug dali

nga away sa iyang paghagit ni Mexican double champion Juan Francisco Estrada (24-2, 18KOs)  alang sa WBO ug

WBA flyweight titles sa Hulyo 27 didto sa Cotai Arena sa The Venetian Hotel and Resort sa Macau, China.

 "The earlier, the better," matud pa sa 25- anyos nga si Melindo. "Right now, I'm 90% ready in my conditioning

but it will be more than a hundred percent the moment I step in the ring to meet him (Estrada). For sure, there will be

knockout because that’s what I trained hard for. If it happens, hopefully it will come early."

 Ang garbo sa Cagayan de Oro City anaa na sa hustong kondisyon usa ka semana kapin paingon sa iyang

sangka nga maoy labing bug-at nga hagit sa iyang boxing career.

 Sila si Melindo ug Estrada pulos mihimo og impresyon sa labing unang pro boxing show didto sa Macau

niadtong  Abril 6. 

  Si Melindo mitumba ni Indonesian Tommy Seran sa fourth round sa maong fight card, samtang si Estrada

miiskor og upset batok ni Fil-American Brian Viloria pinaagi sa "unanimous decision" aron  tahuron isip  WBO ug WBA

flyweight king.

 Sa laing bahin,  si ALA Gym chief trainer Edito Villamor mihulagway ni Melindo nga determinado ug gutom

nga boksidor basi sa nakita sa iyang boksidor atol sa training camp.

  "He's in great shape nya nindot na iyang kondisyon, preparado na gyud siya para sa away and gamay nalang

ang nahibilin sa iyang sparring rounds," saysay ni Villamor.

 Si Melindo, ang No.1 minimumweight contender, mipamatuod nga hinog na siya alang sa world title fight

human niya gipangpukan ang mga kusgang boksidor sa 112 pounds division sama nila ni former world champions John

Piero Perez, Jesus Geles, Carlos Tamara ug Muhammad Rachman.

 Gawas ni Melindo, laing undefeated ALA Boxer nga si Genesis 'Azukal' Servania (21-0, 8KOs) mopakita

usab sa iyang abilidad didto sa Macau. Si Servania mohimo sa labing una niyang international fight batok ni Japanese

Konosuke Tomiyama (23-5, 8KOs) sa 10-round non-title bout. (BANAT NEWS)