Soccer referee giputla'g ulo

CEBU, Philippines - Soccer referee didto sa northern Brazil ang giputla'g ulo sa masuk-anong mga fans didto sa halayong lungsod sa Pio XII nga gingan sa kanhi Santo Papa.

Ang 20 anyos nga biktima nga giilang si Octavio da Silva, midunggab patay sa usa ka amateur player sa soccer tungod kay nagdumili kini sa pagpahawa sa soccer field. Ang nadunggaban patay ni referee Da Silva mao si Josenir dos Santos kinsa nagpa-ugat ug wala gyud mopahawa sa soccer field. .

Human sa hitabo, gihasmagan sa mga fans si Da Silva ug mipatay sa nauwahi unya giputlan pa gyud sa iyang ulo.

Usa ka tawo ang gidakop kalabot sa maong hitabo ug padayon nga gi-imbestigar.

Mi-menos ang kaso sa homicide didto sa Brazil sa miaging pipila ka tuig tungod kay daghan na kaayong nahaw-as gikan sa kalisud apan nag-atubang sila'g bug-at nga presyur aron ipakita nga ang ilang 12 ka mga dakbayan makahatag og seguridad sa mga turista tungod kay ang Brazil maoy host sa 2014 soccer World Cup ug ang  capital city sa  Rio de Janeiro maoy mo-host sa Olympic Games unya sa  2016.  (BANAT PALARO)