Gilas, PBA Selection magkakasubukan na

DIGOS City, Philippines --Makikilatisan ngayon sa unang pagkakataon ang Gilas Pilipinas na sasabak sa PBA Se­lection team sa PBA All Star Game dito sa Davao Del Sur Coliseum.

Ang makita lamang ng mga fans ang kanilang mga paboritong players ay malaking kaligayahan na ngunit kung parehong magbibigay ng magandang laban ang dalawang koponang ito sa alas-6  ng gabing laban ay mas ika­katuwa ng mga tagasubay­bay ng PBA.

Nangako ang mga taga kampo ng PBA Selection na bibigyan nila ng mahigpit na laban ang National team na naghahanda para sa FIBA-Asia Championships na iho-host ng bansa sa Agosto 1-11 sa Mall Of Asia Arena.

Ngunit sa palagay ni naturalized Filipino player ng Gilas Pilipinas na si Marcus Douthit ay hindi magiging ganoon katindi ang laban dahil may ilang players sa PBA Selection ang kasalukuyang may la­ban pa.

 â€œI don’t know if it’s going to be a good fight. These guys are fighting for the championship. Most of them are in the playoffs now,” ani Douthit.  

Bago ito ay magkakaroon ng Shooting Star Competition sa alas-5 ng hapon.