Grassroot program sa CCSC

Nagsugod na usab ang Cebu City Sport Commission (CCSC) sa ilang  grassroot program aron pag-develop

ug ingon man pag-discover og mga potential athletes gikan sa kabarangayan.

 Sa mga opisyales sa CCSC ilabi na kang Sir Edward Hayco, sir, saludo ko ninyo!  Dinhi man gyung dapita,

makakita og higayon ang kabataan sa pagsuway og sulod sa sports imbes nga magyampungad sa mga internet cafés.

 Atong gipanawagan ang mga ginikanan nga unta kita maoy mangulo ug dasigon  ang  atong mga anak nga

moapil sa mga sports activities sama niini diha sa barangay inay nga ato silang pasagdan.

* * *

 Kagabii, nagkumbati ang atong mga Pinoy boxers pinangulohan ni Brian "The Hawaiian Punch" Viloria  didto

sa Macau. Kauban niya ang duha ka magsuong bag-ong henerasyon sa mga kampiyon sa pamilyang Peñalosa nga sila si

Dodie 'Boy' Jr. ug Dave Peñalosa ug  ingon man ang   pambato sa ALA Boxing Gym nga si Milan Melindo (28-0,11KO).

 Si Viloria (32-3,19KO) nakigharong sa Mexican challenger  nga si  Juan Francisco Estrada (22-2,18KOs). 

 Daku akong pagtuo nga si Viloria, kinsa mas taas og experience maoy mopatigbabaw batok sa Mehikano.

 Ning pagsulat, si Melindo midaog pinaagi sa fourth round KO Tommy Seran sa Indonesia. Midaog sab ang

managsuong Peñalosa nga sila si Dodie Boy Jr. ug Dave human nila tumbaha ang ilang mga kaatbang.

 Dili na lang ko kang Viloria kay wala pa siya makatungtong sa ring ning pagsulat. Ato na lang tan-awon ang

duwa sa Studio 23 karong adlawa.

* * *

 Wala pakyasa sa Igorot nga si Kevin Belingon ang Pilipinas sa iyang kampanya sa prestihiyoso na karong

ONE FC didto sa Singapore dihang iyang gipasurender ang Australian-Vietnamese nga si Thanh Vu.

 Walay puas nga gikulata ni Belingon (11-2) ang mas taas ug mas daku kaniyang Australian hangtod nga

giundang sa referee ang sangka kay  wala  na makapanalipod sa kaugalingon ang  iyang kontra.

 Usa na lang ka babag ang kinahanglang malagbasan  ni  Belingon.  Siya ang laing bantamweight Grand Prix

finalist nga Japanese mixed martial artist nga si Masakatsu Ueda.

 Ang maong Japanese mi-choke sa American legend nga si Jens Pulver sa second round sa ilang kumbati.

 Ang mananaog sa Belingon-Ueda match maoy mahatagan og tsansang ilogon ang bakus sa Korean MMA

specialist ug ONE FC bantamweight champion Soo Chul Kim sa sunod nga ONE FC bout.

* * *

 PAGTULON-AN: Panahon karon sa mga botante nga makabawos niadtong mga "sayon duolon apan lisud

pangitaon"  nga mga politiko. [email protected]