Cebuano MMA fighter midaog via KO
CEBU, Philippines - Miduol sa iyang damgo nga moaway alang sa bakus ang undefeated Yaw-Yan ArDigma Cebu fighter nga si Vaughn ‘The Spawn’ Donayre human siya mirehistro og first round knockout nga kadaugan batok ni Robet Buminaang sa “Universal Reality Combat Championship (URCC) – Unleashed†niadtong miaging gabii didto sa Baguio Convention Center.
Si Donayre kinsa hanas sa Brazilian Jiu-jitsu ubos sa DEFTAC Cebu, mipakita sa iyang abilidad sa striking human niya gipakatug ang taga-Manila nga si Buminaang gamit ang usa ka knee strike sa 1:13 sa first round.
Sa maong kadaugan, si Donayre posible nga moaway alang sa URCC lightweight title kinsa gibakante ni Filipino Honorio Banario kinsa mao nay One Fighting Championship (ONEFC) featherweight champion.
Si Donayre mipalambo sa iyang record ngadto sa 5-0, human usab sa iyang kadaugan niadtong Enero batok sa taga-Mindanao nga si Allan Atup sa “URCC Cebu 8 –Survival†didto sa J-Center Convention Center.
Uban ni Yaw-Yan ArDigma Cebu founder Master Benigno ‘Ekin’ Caniga Jr., si Vaughn mobalik sa Cebu karong Huwebes diin gitakda usab siya nga moatubang sa Cebu media sa usa ka press conference didto sa Yaw-Yan ArDigma Cebu gym.
- Latest
