Solong liderato tuyo sa FYA-Martinez Brokers
CEBU, Philippines - Solong liderato maoy tuyo sa FYA-Martinez Brokers sa ilang pakigsangka sa Kentkyle Cuisine sa 1st Cebu International Port Users (CIPU) basketball tournament didto sa Cogon-Ramos gym, ning siyudad.
Nagtinguha sab ang Cebu Basketball Mania Association (CEBAMA) Ball Club pagkulit og laing daog sa Limasawa-Petracorta Brokers.
Sa higayon nga modaog ang FYA ug CEBAMA, makuha na nila ang bakanteng luna sa semifinals.
Ang 3-1 nga FYA magsalig nilang Tata Laborte, Toper Marata, Arnel Trinidad, Janus Abellana ug sa Medalle brothers nga sila si Noel ug Baeng, samtang ang Kentkyle mosalig sa ilang team owner Kenneth Maningo uban nilang Ramil Aninon ug Gilbert Real.
Sa laing bahin, ang CEBAMA, kinsa adunay 3-2 nga baraha pangulohan sa managsuong Jry ug Jeff Garcia, Jaymar Elloren, Noel Manulat, Reden Villaronza ug Prime Oporto.
Ang beteranong sentro nga si Takloy Moral, Yoly Cena ug team owner Melchor Petracorta sa Limasawa.
- Latest
