Outstanding achievers sa Consolacion basketball training camp gipasidunggan

CEBU, Philippines - Gipasidunggan ang mga top individual performers sa 2nd Hon. Mayor Teresita Alegado Summer Basketball Training Camp atol sa simpleng seremonyas dili pa lang dugay didto sa Consolacion Sports Complex.

Napiling MVPs sa ilang tagsa-tagsa ka age-groups mao sila si Lee Michael Dahil, Lloyd Chavez, Christian Jay Alilin, Reanu Jayme, James Kyle Mendoza, Christian Jay Malagar, Ralph Niemes, Jonathan Malmisa, Butch Tejero, Ralph Jay Goc-ong ug John Paul Yap.

Lain pang mga MVP honorees naglakip nilang Christian Jay Alilin (little mini), Raymundo Elagyos (mini) ug Jokoy Reuyan (midget).

Sila si MC Louie Vacunador ug Seth Dindin maoy napili isip best shooters, Niko Herbias ug Adrian Rey Bellanosa isip best passers, MC David Vacunador ug Tyron Tagadtad isip best dribllers ug silang Patrick Pepito ug Yuji Visad isip best defensive players.

Gipasiugdahan ni Hon. Nilo Ferraren sa abag ni head trainer Paul Alelu Q. Flores ug sa Club Amigos, ang usa ka bulan nga summer camp suportado sab ni Consolacion Mayor Teresa P. Alegado, Vice Mayor Aurelio Damole ug sa mga sakop sa sanggunian sa kooperasyon nilang Provincial Board (PB) members Thadeo Z. Ouano ug Arleigh Sitoy. (BANAT NEWS)