Aikido clinic sa Cebu Midtown Hotel

CEBU, Philippines - Tulo ka adlaw nga clinic ang ipahigayon sa Aikido gikan sa Japan, Iwama Aikido sugod karong Biyernes diha sa function room sa Cebu Midtown Hotel, ning siyudad.

 Matud pa ni Aikido instructor Arnel Tereso Ruiz nga lahi ang Iwama aikido sa gipangtudlo sa uban pang aikido dojo, tungod kay kini mismo ang tradisyonal nga klase sa aikido nga gikan mismo ni Morihei Ueshiba, ang founder sa Aikido.

Motambong sab ang headmaster sa Iwama aikido nga si Hitohiro Saito atol sa tulo ka adlaw nga clinic.

Ang clinic bukas sa tanang interesadong mokat-on sa Iwama aikido, lakip na ang mga beginners ug mga aikidoka nga gikan sa ubang dojo dinhi sa Sugbu.

Ang registration fee nagkantidad og P900.

Alang sa dugang mga detalye mahimong mokontak ni Ruiz sa numero 09153637787. - BANAT NEWS