Eyeberry daog na sab

CEBU, Philippines - Mikulit og laing daog ang Eyeberry '86 ug ning higayona ilang gibiktima ang Gemmary '70 sa iskor 83-73 sa nagpadayong University of San Carlos Boys High Alumni Basketball Association (USCBHABA)-Atan Guardo Barkadahan Cup didto sa USC-North Campus gym.

Si Arturo Pepito 'Pitoy' Mata milansang og season-high 30 puntos alang sa Eyeberry ni team manager ug Brgy. Tisa no. 1 councilor Jeson L. Guardo nga nakabawi human pahamtangi og kuwatro puntos nga alkanse sa halftime aron pagpukan sa Gemmary.

Nabiyaan ang Eyeberry sa halftime sa iskor nga 46-50, apan mipahungaw sa ilang kainit sa ikatulong kuwarter aron pag-ilog sa labaw, 65-63 sa final quarter.

Ang Eyeberry padayong mibatil sa nagbukal nilang opensiba hangtod nga nakab-ot nila ang ikaduhang sunod-sunod nga kadaugan human sila midaog batok sa Batch '82 sa iskor nga 93-75.

Puntos Matag Usa

Eyeberry (83) - Mata 30, Congson 15, Villamor 10, Avila 8, Romero 7, Catubig 6, Angan 4, Gabas 3

Gemmary (73) - Abais 19, Gelbolingo 13, Gacayan 10, Merced 9, Merced 8, Morales 6, Rebollido 4, Monterroyo 2, Villarosa 2. – BANAT NEWS