Cansojong padayon nanginhas og daog sa Talisay Mayor's Cup

CEBU - Nanginhas na sab og daog ang Cansojong pinaagi sa pagpukan sa Poblacion 2 sa iskor nga 81-75 aron pagkulit og 3-0 sa seniors division sa nagkainit nga aksiyon sa Talisay City Mayor’s Cup 2008 basketball tournament niadtong miaging gabii didto sa Talisay City Sports Complex.

Si Emilio Aniñon mibahog og 19 puntos lakip na ang 11 puntos sa katapusang kuwarter aron pangulohan ang Cansojong.

Mipakita sab og maayong duwa sila si Emel Jhon Salgado, Cyril Pedros ug Archie Abasanta nga pulos mi-ariya og double figures alang sa Cansojong nga temporaryong naghari sa Bracket-B.

Sa laing duwa sa senior’s division, napakgang ang nagkadinang daog sa Dumlog dihang gilubong kini og 20 puntos sa Tabunok I, 69-89.

Ang Tabunok 1 gipangulohan ni Jezreel Meting kinsa mipabuto og makabungog nga 31 puntos, si RG Rios ug Mark Apa nagkumboya sa 35 puntos.

Sa duwa sa SK division, mihirit sab og daog ang Poblacion pinaagi sa paglubong sa Linao sa iskor nga 92-64.

Ang Poblacion nagtangag karon og 3-0 win-loss record.

PUNTOS MATAG USA

Unang duwa:

(SK division)

Poblacion (92) -- V. Capala 15, Alindao 9, Lariosa 9, Paghasian 9, Hernando 8, C. Villaver 8, Bas 6, Malicdem 6, Gabison 6, N. Villaver 6, Belleza 4, Garing 4, P. F. Capala 2

(Linao 64) -- Tabas 10, Parba 10, Genterone 9, Cabiluna 9, Pino 8, Maneja 6, Quandasan 6, Segundino 4, Briones 2

Ikaduhang duwa:

(Senior’s division)

Tabunok 1 (89) -- Meting 31, Rios 18, Apa 17, Gaviola 8, Pria 8, Ylaya 7

Dumlog (69) -- Albert Villaver 17, Bardilas 15,

 Jhake Villaver 7, Garces 7, Ocañada 6, Cabigas 6, Georsua 5, Basillote 4, Jhessen Villaver 2

Ikatulong duwa:

(Seniors division)

 Cansojong (81) -- Aniñon 19, Salgado 16, Pedros 11, Abasanta 10, Buena 8, Del Rosario 6, Vargas 6, Cabigas 4, Marturillas 1

Poblacion 2 (75) -- Seguerra 22, Reyes 19, Dejan 15, Gerali 10, Dejan 4, Bascon 4, Lariego 1 (Uban sa report ni Arnie P. Atuel) (BANAT NEWS)