Firefly vs. Arthro sa finals
Ang Team Firefly ug Arthro mao ang magsangka sa final sa CEBOA basketball tournament diha sa San Roque gym duol sa Patria de Cebu, ning siyudad.
Kini human ang Firefly midaog sa Fastpak sa iskor nga 82-74 sa tinaktakay nga duwa.
Ang Firefly maoy mikontrolar sa nag-unang duha ka kuwarter ug milabaw kini og 20 puntos sa iskor nga 51-31.
Miawop ang kahayag sa Firefly human mibahar ang ilang mga tirada sa second half nga maoy nakapa-rally sa Fastpak. Apan ang tinguha sa Fastpak nga mohipos og daog napapas dihang nakahimo kini og daghang fouls.
Nakaayo sa Firefly kay ila mapasulod ang ilang free throws dayon na pagkulit og daog.
Mga Iskor
Firefly (82) - Fuentes 20,Enario 16,Abapo 12,Cabanero 11,Berido 6, Belano 5,Lopez 5,Javellana 5
Fastpak(74) - Eduave 20, Pajares 18, Cabanero 16, Barrios 11,Solis 4,Argonido 2
- Latest
- Trending
