Kobe Bryant mipabuto og 40 aron pagpukan sa NBA's best team Detroit Pistons

Si Kobe Bryant mipabuto og 40 puntos samtang si Lamar Odom midugang og 24 uban ang 10 ka assists aron paghatud sa Los Angeles Lakers ngadto sa kadaogan batok sa NBA's best team nga Detroit Pistons.

"It was a big win for us and a win that we don't usually get, against a great team like Detroit," matud pang Bryant. "It's probably the biggest home win of the year for us.

"We got great play from Lamar, who really is a big key for us when he comes out and plays this well and brings a lot of bounce to our ballclub."

Ang Lakers nga miputol sa ilang upat ka sunod-sunod nga kaparutan, nakabangon gikang gi-alkansi og 10 puntos sa Pistons pinaagi sa makabungog nga 18-0 run nga nagsugod sa hinapos nga bahin sa ikatulong kwarter sa duwa.

Ang Lakers mitali og 12 puntos sa maong kwarter aron pagsakmit sa labaw, 80-78, dayong dugang og laing 6 puntos sa pagsugod sa katapusang kwarter aron pag-inat sa ilang bentaha ngadto sa 8 puntos.

Sa maong rally, si Odom mipasulod og 9 puntos, apan matud pa niya nga dili opensa ang nahimong yawi sa maong impresibong rally nga nakapatay-og sa Pistons.

"Defense, making every shot hard for them," matud pang Odom. "When you play team defense, you give yourself a chance to beat anybody. Hopefully this is a confidence-booster for us.""