Big Splash para sa Team Philippines

Magdaraos ng isang pagtitipon ang mga national athletes sa Mayo 26 sa Splash Island resort sa Biñan, Laguna sa pakikipagtulungan ng Philippine Sports Commission at Federal Management and Main-tenance, Inc.

Tinaguriang "Big Splash for Team Philippines" ang naturang aktibidades na magbibigay sa mahigit 300 atleta nang maikling pahinga mula sa kanilang masinsinang pagsasanay ay itataguyod ng Splash Island sa tulong ni FMMI president Jaime V. Borromeo.

Ang FMMI ay isa sa palagiang backer ng PSC‚ Alay Suporta sa Atletang Pilipino (ASAP) Program at isa rin sa pribadong korporasyon na nangako ng suporta para sa mga atleta sa proyektong "Medalyang Ginto, May Laban Tayo!" ni First Gentleman Atty. Mike Arroyo.