Magkapatid na Siso nalo

ILOILO -- Ginapi ni Bernardine Siso si Ralph Sobrevega, 6-1, 6-0 at hiniya naman ng kanyang nakakabatang kapatid na si Sally Mae Siso si Carlo Ledesma, 6-1, 6-1 upang hatakin ang unisex 10-under division final sa isang family affair sa 2003 Milo Junior Tennis Cup & Regional Workshop noong Sabado dito sa Iloilo Provincial Sports Complex hardcourts.

Sa boys’ 14-under bracket, pinabagsak ni James Canete si Larry Antigua, 6-4, 6-2 upang isaayos ang kanilang paghaharap ni El Santo Santos na umiskor ng 6-3, 6-2 panalo kontra John Sobrevega.

Ang iba pang finalists sa Milo netfest na ito na inorganisa ng CTW na may suporta mula sa Wilson balls, Adidas at Sports Kids na may sanction ng Philta sina Ralph Barte na sasagupa kay Santos sa 16-under; Barte na haharap naman kayJanjie Soquino sa boys’ 18-under; Martina Guba na sasabak kay Sally Mae Siso sa girls 12-under; Martina Guba vs Jin Querubin sa girls’ 14-under; Querubin kontra Lean Baoy sa girls’ 16-under at Alyssa Labay kontra Riza Mariano sa girls’ 18-under division.