Mosulod sa military

CEBU, Philippines — Gikatakdang mosulod sa  military training sunod buwan  ang Vivamax star nga si Chloe Jenna aron mahatagan og katumanan ang pangandoy niya nga mahimong  army reservist. Naa na gyud sa iyang alimpatakan ang  pag-alagad sa nasud   ug ang naka-impluwensya kaniya mao ang iyang apohan nga nangalad pud sa komunidad  partikular na sa  linya  sa  kahapsay ug kalinaw.

Jessica nakadawat og award

Nakuha   ni Jessica Soho ang   “Icon of Filipino Media Excellence” award sa bag-ohay lang nga  Global Filipino Icon Awards didto sa  Dubai. Atol sa iyang acceptance speech, gipahimug-atan  ni Jessica  ang pagka-bayani sa  OFWs . “Sa akin po kasing palagay, ang dapat hinihirang na icons, heroes, excellent at outstanding, kayo po iyon, mga OFW, Global Filipinos, Global Pinoys. Kulang ang salitang bayani para sa inyong kadakilaan, para sa lahat ng inyong tinitiis at isina-sakripisyo lalo na po ang mga nanay at tatay na malayo sa inyong mga anak,” niya pa.

Pasok sa “Bridgerton”

Duha ka  Filipino actors ang nalakip sa  ikatulo nga season sa hit Netflix series nga  “Bridgerton.”   Kini mao sila si Martin Sarreal ug  James Bradwel  kinsa proud kaayo  nga nahimong kabahin sa maong dakong proyekto.

Teaser sa KathDen movie gipistahan dayon

Nipagawas na og pasiuna nga teaser ang  Star Cinema ug  GMA Pictures alang sa  upcoming sequel sa  "Hello, Love, Goodbye"  nga nag-ulohan og "Hello, Love, Again."

Gipistahan dayon sa netizens  ang maong teaser ug nagpanikad na sa  umaabot nga mga eksena sa duha ka bida.

Ang maong pelikula kay molugwa sa  Philippine Cinemas karong  Nobyembre 13, 2024. Kahinumdoman nga gianunsyo niadtong Dominggo ang kolaborasyon sa Star Cinema ug  GMA Pictures alang sa maong pelikula.,

Nitambong sa  opisyal nga pag-anunsyo mao ang mga kadagkoan sa  ABS-CBN ug GMA. Kini sama nila ni  ABS-CBN president ug  CEO Carlo Katigbak, ABS-CBN chief operating officer Cory Vidanes, ABS-CBN Film Productions head Kriz Gazmen,ug  GMA Films president ug  CEO Atty. Annette Gozon-Valdes.

Wala maglisod sa kinitkitay

Gitataw nila ni Paulo Avelino ug Kim Chiu nga wala ra sila maglisod sa dihang gibuhat ang kissing scene nila sulod sa cabinet sa serye  nila nga What's Wrong With Secretary Kim .

Suma pa ni Paulo nga dili sila gusto maulawan busa gitodo gyud nila aron nindot ang resulta niini ngadto sa viewers. Kahinumdoman nga nag-viral ang maong eksena ug nipasamot usab sa chemistry sa duha.

Brenda mi-backout sa usa ka event

Wala na mopadayon  ang komedyante nga si  Brenda Mage sa usa ka event human nakadawat og dili maayong komento gikan sa adunahan nga sponsor .

Bisan paman nga nakaplastada na ang iyang dagway sa mga poster sa  event ,  nakahukom  gihapon si Brenda sa pag-backout .

Matud pa sa maong sponsor nga dili angayan si  Brenda sa event kay dili kini haom sa kabataan.  “‘Yung naka-post na ‘yung mukha ko para sa event ng lugar nila…tapos sasabihan ka ng Mayamang Sponsor ata nila na ‘di daw ako bagay para sa event dahil ‘di angkop sa mga kabataan…edi back out ako hahaha,” Facebook post  ni Brenda.