Bending the law

Mao na kini ang uso karon, sa Tagalog pa, “Paikutin ang batas;” in Cebuano, “Baliko-on, or Tuison ang balaod.” (translation kini sa google). Duna koy idugang: Paglubag sa balaud, to twist the law.

Sa Readers Views page sa The Freeman, si Giel Eduard A. Orillosa, opined, titled: The rule of law or the rule of bending.

Matud niya: “In any democratic country, the law is supposed to be the highest standard. It should guide leaders, protect citizens, and ensure fairness for all. It should not change depending on who is in power or who is being judged.”

Mao unta kana ang balaud, paggiya sa mga leaders, pagpanalipod ug paghatag ug kaangayan sa katawhan, “But in recent times, many people have begun to question whether the rule of law is still being followed strictly, or whether it is slowly turning into something else; the rule of bending,”padayon ni Orillosa.

Mao na ba kini karon ang nahitabo sa atong nasud? Ang pagpatuman sa balaud, mag-agad lang kinsa ang anaa sa gahum, ug kinsa ang hukman subay sa balaud? Questions, questions, nga ang lungsod da ang makatubag. 

Moreover, padayon ni Orillosa: “No one is above the law. Not politicians, not officials, not powerful individuals. When this principle is weakened, justice becomes uncertain. Decisions begin to depend not only on facts and evidence, but also on influence, position, and timing.”

In case waa mo makabasa sa mga apprehension ug anxiety ni Orillosa on the rule of law, read the July 10 issue of The Freeman.

* * *

Niay good news: “SM invests P8B to make Cebu a global events hub.” Lipay kaayo ko pagkabasa nako ini, bisa’g waa koy labut. Tiaw moy P8 billion ang ibobo nganhi sa Sugbo, sa SM Prime Holdings Inc., nga ang report, ni Ehda M. Dagooc sa The Freeman, nagkanayon:   “SM Prime Holdings Inc. is doubling down on Cebu with an P8 billion investment in an integrated entertainment, convention and hospitality complex, that would fuel a new wave of demand for global events, sports competitions and business gatherings.”

Nindota no?

Gibuksan ang 25,000-seat SM Seaside Cebu Arena dha sa South Road Properties (SRP), SMX convention center, hotel ubos sa Park Inn ug Radisson brands. Sa akong giingon sa unahan, lipay kaayo, ko, apan kutob ra gyud ko sa pag-admire kay dili gyud ta maka-afford niini.

Kining maong nakita karon, sinugdanan lamang kini; daghan pang kaugmaran ang ato unyang masaksihan, matud ni Hans Sy, chairman sa executive committee sa Prime Holdings. Mahimo na unya kita nga leading sa regional growth center outside Metro Manila.

“My father has always believed in Cebu,” matud ni Hans Sy. Kinsa man ni siya? Tubag sa google: “Hans Sy is the fourth child of the late retail and business magnate Henry Sy Sr., and a key leader in the Philippines' largest conglomerate, the Sy family's SM Group, with an estimated net worth of over $2.2 billion, and Chairman of the Board for both China Banking Corporation and National University.

Ilang motto, or maxim nga gibilin ni Henry Sy: “Stay humble, never show off.”