Si Pura Luca Vega

Nahimong kontrobersiya ang usa ka performance sa usa ka drag artist nga si Pura Luca Vega sa iyang pagsayaw ginamit ang upbeat nga kanta sa Ama Namin sa usa ka bar. Arogante niyang claim mao nga dili niya kinahanglang mo explain pa ngadto ni bisan kinsa sa iyang gihimo.

Kini unta ang angayang pasakaan og kaso nga offending religious feelings. Apan walay nakaako sa paghimo sa ingon. Bisan pa man kun kusganon ug hugtanon ang CBCP sa pagkondenar niini daghan gihapon ang tingali mopadayon sa paghimo ning maong pagpanamastamas. Makaingon ko nga nahanaw na gyud tingali ang sense of piety ning atong kapanahonan karon. Ang kanhi giisip natong balaan mahimong object naman hinuon sa atong artistic expression.

Dunay press conference nga gihimo diin ang ang usa ka obispo nagkanayon nga sa maong synodal process dili hisgutan ang pagtulon-an sa simbahan. ang mahinungdanon nga dawaton nato ang tanan. Ang tanan gayud diha sa tinguha nga dili kita makahatag og panghukom.

Unsa kahay dangatan ning maong sinodo kun ugaling tugotan nato nga mamahimong saksak sinagol ang tanan. Kining maong mga panghitabo maoy nakapahimo nga buot natong makigsuod sa trend sa kalibutan at the expense sa orthodoxy. Nga kun buot hunahunaon, ang hustisya ug kaluoy magkuyog. Kun unsay alang sa Dios iya sa Dios ug unsay alang sa tawo iya sa tawo. Dili ang Dios maoy mo adjust kanato kon dili kita ngadto sa Dios.

Moabot ang panahon nga mamahimong ang simbahan diin kita sakop usa ka institusyon nga hawa sa Dios kay mas gipalabi man ang tawhanong panagsuon bisan pa man kun ang pamaagi dili na makatarunganon.