Ang kakabus

Daghanan sa mga relihiyoso pari, brothers o madre ang nihimo og mga panaad sa Poverty, Chastity and Obedience.

Ang uban sa ilang pagsabot sa maong saad ug panumpa sa kakabus ang literal nga mosul-ob og mga nagkagidlay nga habito, mag tsinelas o dili ba kaha mag tiniil aron makita sa kadaghanan nga sila mga kabus gyud. Bisan pa man  kun luwan sila sa mga mahalon ug luho nga sakyanan. Kini ba ang kakabus?

Ang kakabus mao man ang kasinatian sa kakulangan. Sa maong kakulangan atong giangkon ang atong dakong panginahanglan sa Diosnong Pag-Amoma (Divine Providence). Alang nako ang kakabus ingon nga kahimtang mahimong aktwal ug espiritwal.

Ang aktwal nga kakabus maoy nasinati sa kadaghanan kanato. Ang dakong panginahanglan sa ekonomikanhong seguridad.

Apan dunay mga tawo nga adunay ekonomikanhong seguridad apan haw-ang ang ilang kinabuhi ug pagpuyo. Gitawag kini og Spiritual Poverty.

Dili himoong rasona ng kakabus aron magpakilimos. Kun ang matag usa maningkamot ug magmanggihatagon nan, mamahimo ang kakabus ingon nga kinabuhi nga gipili. Simplicity is beauty apan wala kini magpasabot og deprivation sa basic needs.