Ang kinabuhi sa visionary

Pagpamalandong sa Malangkubong kaayohan

1. Ang espirituhanong kinabuhi sa maong visionary maoy nakapahimo niining sanglitanan o sukaranan kun unsa katinuod ang iyang pagpangangkon.

Ang motibo sa pag-ayo sa mga masakiton ug paghimo kunohay og mga milagro, kadudahan. Ang bisan unsang preternatural nga hinungdan nga milagro dili iya sa Dios, hinunoa iya sa demonyo.

2. Unsay unod sa aparisyon. Nasibo ba kini sa ebanghelyo ning atong kasamtangang panahon? o wala. Dunay mga diaries kunohay nga dili theologically sound kun buot hunahunaon. Unsay makuha nimo sa mensahe nga nagpunay lang og ingon og: Oh Oh Ohhhhhhhhh? Unsa na agulo?

3. Nakatabang ba kini aron mapalambo ang kinabuhi sa pagtuo ingon man ang kausaban?

4. Pinasikad ba ang mga mensahe sa ebanghelyo? Dili  man tingali pinasikad sa ebanghelyo labina kun ang mensahe naghisgot na og estraktura nga pagatukoron. Mas labaw ang parokya kaysa kapilya kun buot hunahunaon. Maingon nga mas labaw ang magisterium sa simbahan kaysa personal nga panahom sa usa ka tawo.

5. Nakapahiusa ba kini kanato ngadto sa  Ginoo ug sa iyang simbahan? Ug  kun ang maong pagpangangkonn nakapadala og dugang kagubot, ug pagkabahin bahin nan makaingon kita nga kini dili gikan sa Dios. Ang bunga maoy motug-an kun unsang matanga sa Espiritu ang naggiya sa visionary ug sa iyang mga dumadapig.

Panapos

Sa dili ka pa mohatag sa imong kinatibuk-ang pagtuo pamalandong, pag-ampo ug pagtuon aron dili ka mailad sa mga tawong mapahimuslanon.

Tinubdan: Fr. Francisco Syquia. SPIRITUAL WARFARE AND DISCERNMENT pp. 398-412