Duna bay retirement pay ang part time employee nga mo-retire

Dear Atty. Divine:

Gikatakda nako nga mo retire next year. Dugay nako nga  nagtrabaho isip caregiver  sa usa ka home for the aged  but part time employee lang. Kun mo retire ko naa ba koy  madawat nga retirement benefit  bisan kun part time employee lang akong status? Daghang salamat.

Mila

* * *

Dear Mila,

Yes, kun mo retire ka as caregiver duna kay madawat nga retirement pay bisan kun part time employee lang ang imong status.

Basi sa Republic Act 7641  kun ang empleyado moabot na og 60 ngadto 65 years old  nga maoy mandatory age for retirement ug nakaserbisyo na siya og dili mominus lima ka tuig sa maong company, then mamahimo na siyang mo-retire sa  iyang trabaho ug ang kompaniya obligado nga mohatag kaniya og retirement benefits basi sa ilang retirement plan. Kun way retirement plan  ang employer dapat mohatag ang employer og 1/2 month per year of service isip retirement pay sa kawani. Basi sa implementing Rules sa maong balaod kini nagkanayon nga covered niini ang tanang empleyado sa private sector regardless sa ilang status ug designation lakip na ang mga part time employees. Buot ipasabot nga kun mo-retire ka makadawat gyud ka og retirement pay  sa gikan sa imong gitrabahuan bisan kun ikaw part time worker lang. Thanks and God bless.

Atty. Divine

* * *

Alang sa inyong pangutana, ipadala lang sa Legal  Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.