Gikasal sa dihang 17 anyos pa
Dear Atty. Divine:
Minyo ko ug aduna koy usa ka anak. Apan wa magdugay ang among marriage tungod kay palahubog ang akong bana ug mangulata pa gyud.
Hinungdan nga last year ako kining gibiyaan ug miuli ko sa among probinsya kauban sa akong anak.
Di na gyud ko gustong makigbalik sa akong bana. Napugos lang ko sa pagpakasal niya kay nabuntis ko og 17 anyos ko that time but ilang gibutang sa among marriage contract nga 19 anyos nako.
Matud sa akong amiga nga pwede daw ko magpa annul sa akong marriage tungod kay minor de edad ko sa dihang kami gikasal.
Ang akong pangutana kon valid ba ang among marriage? Daghang salamat. — Cherrie
* * *
Dear Cherrie,
Kon 17 anyos ka pa sa dihang ikaw gikasal sa imong bana then makonsiderar nga void ang inyong marriage. Kini tungod kay basi sa Family Code usa sa mga requisites for a valid marriage mao ang legal capacity of the contracting parties ug dapat 18 anyos na ang nagpakasal.
Apan bisan kon void ang imong marriage kinahanglan gihapon ka nga mopasaka og Petition for Annulment sa korte kay ang korte lang ang dunay katungod nga mo annul sa inyong kaminyuon.
Mas maayo nga moduol ka og abogado aron maandam ang imong Petition. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
