Ang Enero uno

Tulo ka mga kasaulogan ang atong pagahimoon panahon sa Enero Uno. Kini ang naglangkob ning mosunod:

1. New Year diha sa atong Civil Calendar

2. World Day of Peace

3. Solemnidad sa Pagka-Inahan sa Dios ni Maria Santisima

Sa atong pagsaulog ning tutulo ka mga kasaulogan kita gidapit nga mamahimong mosugat sa tuig 2015 uban ang paglaum nga dunay nindot sa kalibutan taliwala sa imperfection niini. Nga ang kalibutan bisan gubot mamahimong palinawon pinaagi sa paghatag og kalinaw mismo sa atong kaugalingon. Nga ang kinaiya sa mapamalandungong birtud sa Mahal nga Birhen sukaranan aron atong matimbang-timbang ang atong kaugalingon kun nihamtong ba kita o nagpabiling isip-bata diha sa atong panaw sa kinabuhi. Kaninyong tanan Bulahang Bag-ong Tuig!