Usik sa oras ni Halangdong Tony
AMBOT LANG - AMBOT LANG Ni Gerry Auxilio () - February 8, 2007 - 12:00am
Kaniadtong Lunes nag-abot ming tulo ni Ruphil Bañoc, kinsa mao nay officer in-charge sa DyHP ug Super Jojo Solante didto sa sala ni Judge Fortunato de Gracia tungod sa kaso nga among giatubang sa dihang didto pa kaming tulo sa Bombo Radyo. Didto among nahisgutan ang reklamo nga gisang-at ni Jonathan Guardo ug Irene Camarista didto sa buhatan sa Ombudsman. Kay wa mahinayon ang bista kay walay piskal nga mitunga, namalik na lamang kami sa tagsa tagsa namo ka mga gimbuhaton. Si Super Jojo Solante mibalik sa sibyaanan DySS samtang kami si Ruphil nagkuyog kay iya man kong gipasakay sa iyang awto ug gihapit sa SWU diin akong gibiyaan ang akong mga tinon-an aron lamang tambungan ang bista sa among kaso nga libelo.

Sa sakyanan among gipadayon ang paghisgot sa reklamo ni Guardo batok ni Cuenco. Matod pa ni Ruphil nga sa dihang iyang gikulit sa pagpangutana si Congressman Tony Cuenco mahitungod sa pagpamalit niini og mga multicab nga gipasobrahan ang prisyo giingnan hinoon siya sa Congresista nga nag-usik-usik lamang sa iyang oras. Dinhi miisa ang buhok sa akong tingkoy. Sayonan ka nga ang atong halangdon nga kongresista sa ikaduhang distrito sa dakbayan sa Sugbo giusikan sa iyang oras sa pagpanubag sa mga pangutana nga angayan niyang ipasabot ngadto sa mga sugboanon?

Pag-usik-usik ba diay sa oras nimo halangdong Cuenco ang pagtubag sa pangutana kon nganong tag tres siyentos mil ka pesos ang matag usa ka multicab nga imong gipamalit gamit ang imong pork barel? Sa imong tubag nga gipadala sa mga sibyaanan sa radyo ug ubang mga media outlet imong giingon nga wa pa ninyo masaboti ang prisyo sa multicab ug gani kagahapon pa ninyo gipahigayon ang pre-bidding sa maong proyekto, pero nganong aduna namay marka sa imong pangalan ang mga multicab nga imong giingon nga wa pa mabayri? Kon gipa test drive lamang kining maong mga sakyanan nganong aduna naman kini Official Receipt ug Certificate of Registration ug gani nagdawat na kini og gasoline allowance sa City Hall kon atong tuhoan si Jonathan Guardo? Pag-usik-usik ba sa imong oras kongresista Tony Cuenco kon pangutan-on ka kabahin niini?

Ang Department of Budget and Management mipagawas og 7.5 milyones ka pesos gikan sa imong priority development fund diin ang unom ka milyon niini gialokar sa Barangay Quiot alang sa pagpamalit og multicab pero nganong ang nakabutang sa registration sa mga sakyanan pangalan man sa Philippine Amusement Gaming Corporation kon PAGCOR? Nganong dili man ubos sa pangalan sa imong opisina o ba kaha sa Barangay Quiot ang nakabutang sa registration sa mga sakyanan nga gipamalit man kaha kini gamit ang imong pork barrel? Pag-usik-usik ba alang kanimo ang pagtubag niining maong mga pangutana Congressman Cuenco? Kon sa PAGCOR nakarehistro ang mga sakyanan di PAGCOR ang tag-iya ug ang nagbayad niini? Kon PAGCOR ang nagbayad niini, hain naman paingon ang 7.5 milyones ka pesos nga napagawas gikan sa imong priority development fund? Pag-usik-usik ba sa imong oras ang pagtubag niining maong mga pangutana, Mr. Congressman? Just asking!

ANG DEPARTMENT OF BUDGET AND MANAGEMENT BARANGAY QUIOT BOMBO RADYO IMONG JONATHAN GUARDO PAG USIK
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with