Sigawan nina GMA at Cory nasaksihan ng obispo

ALAM n’yo bang nasaksihan ng isang obispo ang nangyaring sigawan ni President Gloria Macapagal-Arroyo at dating President Cory Aquino sa Malacañang?

Ayon sa aking bubuwit, Happy birthday kay Executive Sec. Eduardo Ermita, dating DepEd Sec. Butch Abad, Rep. Manuel Garcia ng Davao City; Rep. Roan Libarios ng Agusan del Norte; Luz Fernandez ng DZRH, Sherwin Alfaro, Mac Solano at Franklin Baldugo.

* * *

Alam n’yo bang nasaksihan ng isang obispo ang nangyaring sigawan nina GMA at Cory sa loob ng Malacañang?

Ayon sa aking bubuwit, noong July 7, 2005, 7:00 p.m. ay biglang dumating sa Palasyo si Cory at isang obispo.

Nagulat nga ang ilang Cabinet members at staff sa Malacañang kung bakit biglang napasugod sa Palasyo si Cory.

Sila ay pinapasok sa isang kuwarto at sila kinausap ni GMA. Kaya lang, hindi masyadong nagtagal ang kanilang pag-uusap dahil nagkaroon diumano ng sigawan sina GMA at Cory.

Ayon sa aking bubuwit, nagpanting ang tenga ni GMA nang sabihan siya ni Cory na mag-resign na lamang sa tungkulin para diumano sa kapakanan ng bansa. Kailangan daw ay gumawa siya ng ‘‘Supreme Sacrifice’’ alang-alang sa bansa.

Ayon sa aking bubuwit, nang marinig ni GMA ang pakiusap ni Cory at sinabihan si Cory ng…‘‘Who are you to say that!’’

Ito ay nasundan pa ng pagtataas ng boses ni GMA at pinagsabihan si Cory na wala siyang karapatang pagsabihan siyang mag-resign.

Ayon sa aking bubuwit, nagtangka pang magpaliwanag si Cory kay GMA subalit ay tinalakan siya ng husto ng Presidente. Ang huling sinabi ni GMA kay Cory ay… ‘‘The door is wide open for you!’’

Sabay taas ang kilay. Aba! Mataray ang Gloria.

Ayon sa aking bubuwit, ang obispong naka-saksi sa sigawan nina GMA at Cory sa Malacañang ay si Bishop…

Siya yung obispong dating sakristan ni Jaime Cardinal Sin. Siya rin yung mortal enemy ni Fr. Sonny Ramirez.

Totoo bang pinagalitan din ang obispo ng CBCP dahil dinala pa niya si Cory sa Malacañang?

Siya ay walang iba kundi si Bishop S. as in Sakristan.