Mag-ingat at baka ma-high blood

NANANATILING number one killer disease sa Pilipinas ang hypertension nakilala sa tawag na alta presyon o high blood.

Dalawa sa bawat 10 Pilipino ang may high blood pressure. Kadalasang dinadapuan ng alta presyon ay ang mga lalaking 40 pataas at mga babaeng 55 pataas.

Ang normal blood pressure ay 120 over 80 at dapat na magpa-BP tuwing apat na buwan.

Para maiwasan ang alta presyon ay dapat na maging maingat sa pagkain. Iwasan ang mga karne at iba pang fatty foods. Huwag sosobrahan ang patis at toyo. Isiping palagi na masama ang cholesterol sa katawan. Kontra sa mga alta presyon ang pag-inom ng alak at paninigarilyo kaya dapat na isaayos ang inyong lifestyle.

Kapag may alta presyon ay madali na ang magkakomplikasyon sa ibang sakit. Diabetes at sakit sa puso ang mabilis na dumapo sa mga taong hypertensive. Mga sariwang gulay, at prutas ang dapat nilang kainin. May recommended diet ang mga doktor sa mga pasyenteng may mataas na blood pressure.