^

Opinion

Pilde ang SLRDI

- Leo Lastimosa -

Kon usa ka sa nailad sa mapahimuslanong developers, nakumbinser pagtugyan sa tanang hiniposan alang sa gisaad nga yuta ug bay, aron lang makugang nga way bisan usa sa mga pasalig ang natuman, ayaw kahugno.  Di tinuod ang propaganda nga inutil ang kabos nga homeowners batok sa higanteng developers.  Di tinuod nga pulos kawatan ang nagtungkawo sa Housing Land Use and Regulatory Board (HLURB).

Nidaog ang Royale Cebu Estates Homeowners Association Inc. (RCEHAI) sa kaso nga ilang gipasaka batok sa usa sa labing dakong developers sa nasud, ang Sta. Lucia Realty and Development Inc. (SLRDI).  Gideklarar sa HLURB nga nakalapas ang Presidential Decree 957, nga maoy nagduma sa pagpamaligya og mga luna sa subdivisions.

* * *

Hinaot nga ang kadaogan sa RCEHAI batok sa SLRDI makadasig sa gidaugdaog nga homeowners sa pagbarog sa ilang mga katungod ug makabugnaw sa abusadong developers sa paghunong na pagpangilad ug pagpahimus sa lehitimong pangandoy sa katawhan pagtukod sa ilang gidamgo nga pinuy-anan.

Hinaot nga makapahigmata na sa HLURB nga mas makiangayon ang matinud-anon nga pagpatuman sa mga lagda inay magpaabot pa nga motiyabaw na ang nabiktima nga homeowners.  Ug hinaot nga barawon nang ilang mga opisyal nga nanawat og suburno ug nakigkonsabo sa mga mangingilad nga developers inay sa makaluluoy nga mga biktimang homeowners.

* * *

Di sayon ang pagbarog batok sa mga higante sama sa SLRDI.  Labing mahinungdanong panginahanglan mao ang kaisog ug panaghiusa sa homeowners.  Inay moduko lang og paawot, angayng pakigbisogan unsay gimbut-an ug gitugyan sa balaod.

Wa ko mag-ingon nga nibarog gyong tanang homeowners batok sa SLRDI.  May pipila sang nilikoy.  Kay di man gyud mawad-an og sipsip ang kalibotan.  Apan makaginhawa ka’g luag kon may mga silingan ka nga sama kaligdong ug kaisog nilang Dr. Edisa Ermac, Tetta Baad, Santiago Tomayao, Angelina Spencer, James Limquiaco, Linda Antigua, Edwin Semilla, Eric Ouano, Navy Capt. Danilo Flores, Edmund Borinaga, Joven Uy, Jay Jakosalem ug Atty. Ina Magpale.

* * *

Ang labing lig-on nga ebidensiya nga kahuptan sa homeowners batok sa developers mao ang brochures, leaflets ug advertisements sa radyo, telebisyon ug pamantalaan.  Ubos sa PD 957, obligado ang developers pagtuman sa tanan nilang gisaad nga infrastraktura sa subdivisions.  Mao ang mabuot nga developers di angayng magpatuyang pagsaad sa buwan ug mga bituon aron lang pagdani sa homeowners.

Apil sa napamatud-an nga kalapasan sa SLRDI batok sa homeowners mao ang pagpangilad pagbutang og manholes nga way kanal, kapakyas paghingpit sa perimeter fence, pagtukod og kabalayan ilawom ug duol sa mga tangke sa tubig, way chlorinator paghimong luwas sa suplay sa tubig ug, labaw sa tanan, ang pagpamugos pagpangolekta sa association ug maintenance dues nga, ubos sa PD 957, mahimo lang kolektahon sa lehitimo nga homeowners association.

* * *

Email: [email protected].

ANGELINA SPENCER

BATOK

DANILO FLORES

DEVELOPERS

DR. EDISA ERMAC

HOMEOWNERS

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with