Team Philippines medals madadagdagan
MANILA, Philippines — Matapos sina gymnast Carlos Edriel Yulo at pole vaulter EJ Obiena, sina boxer Carlo Paalam at tennis ace Alex Eala ang inaasahan ding makakapagbigay ng gold medal sa Team Philippines sa 20th Asian Games sa Aichi-Nagoya, Japan.
Ito ay matapos makatiyak si Paalam ng silver sa men’s boxing competition at bronze si Eala sa women’s singles tournament kahapon.
Itinakas ni Paalam ang 3-2 panalo laban kay Makhmud Sabyrkhan ng Kazakhstan sa semifinals ng men’s 55-kilogram division papasok sa finals.
Sasagupain ng 28-anyos na tubong Talakag, Bukidnon sa gold medal round si Japanese Rui Yamaguchi bukas.
Pinatalsik naman ni Eala si Joanna Garland ng Chinese Taipei, 7-5, 6-0, patungo sa semifinals para makasiguro ng bronze sa women’s singles event.
Lalabanan ng 21-anyos na Pinay tennis sensation si Wang Xiyu ng China sa semifinals para sa tiket sa gold medal round.
Ang mga medalya nina Paalam at Eala ang dadagdag sa tatlong golds, tatlong silvers at 12 bronzes ng Team Philippines para sa No. 17 spot sa Aichi-Nagoya Asiad na dinodomina ng China bitbit ang 145 golds, 63 silvers at 53 bronzes kasunod ang host Japan (45-72-69) at Korea (24-28-45), Uzbekistan (14-17-16) at Thailand (12-10-12).
Sa women’s beach volleyball, swak sa semis sina Sofiah Pagara at Khy Progella matapos biguin sina Japanese duo Ren at Non Matsumoto, 24-22, 22-20.
Sibak sa quarterfinals sina Sisi Rondina at Bernadeth Pons laban kina Taravadee Naraphornrapat at Worapeerachayakorn Kongphopsarutawadee ng Thailand, 17-21, 21-12, 13-15.
Ang Thai tandem ang lalabanan nina Pagara at Progella para sa finals berth ngayong umaga.
Sa indoor volleyball, makakatapat ng Alas Pilipinas Men ang Indonesia ngayong alas-6 ng gabi sa classification round para sa 9th hanggang 16 place matapos matalo sa Korea, China at Chinese Taipei sa Pool D sa group stage.
Nauna nang nahulog ang Alas Women sa classification ng women’s division kung sila bumira ng tatlong sunod na panalo para tumapos sa ninth-place Mercado kay Japanese
- Latest
