2 PNP opisyal sinibak
‘Nangialam’ sa kaso ng missing sabungeros
MANILA, Philippines — Sibak sa puwesto ang dalawang opisyal ng Philippine National Police (PNP) dahil umano “pangingialam” sa kaso ng mga missing sabungeros matapos na magsampa ng kasong administratibo ang limang kaanak ng mga biktima sa National Police Commission (Napolcom).
Ang dalawang opisyal ay kinilalang sina Highway Patrol Group (HPG) Spokesperson PLt. Nadame Malang at PMaj Reynaldo Pañebe Jr. ng PNP Custodial Center.
Ayon kay HPG chief PBGen. Rommel Batangan, inalis na sa puwesto si Malang sa utos ni PNP chief PGen. Jose Melencio Nartatez, Jr. at nasa floating status sa kanilang headquarters simula pa nitong Miyerkules.Papalit kay Malang si Lt. Chitadel Gaoiran bilang HPG spokesperson.
Paliwanag ni Batangan, nais lamang umano ni Malang na matulungang makapasok sa loob ng PNP custodial ang mga private individuals na humingi ng assistance.
Sa panig naman ni Pañebe, sinabi ni Headquarters Support Service (HSS) chief PBGen. Manuel Abrugena na hindi umano niya alam na bumisita sa PNP custodial facility ang mga kaanak ng mga nawawalang sabungero.
Ayon sa mga complainant, tinulungan umano ng dalawang opisyal ang iba pang complainant na makapasok sa custodial facility upang makausap ang mga akusado sa nawawalang sabungeros.
Giit naman ng iba pang complainant na marami ang umatras sa kaso matapos umano makatanggap ng P40,000 na buwanang ayuda.
- Latest
