10 porsiyento taas sa retirement at disability pension – SSS

MANILA, Philippines — Awtomatikong ­ipagkakaloob ng Social Security System (SSS) ang 10 percent increase sa retirement at disabi­lity pension para sa mga pensioners nationwide.

Sa pagdiriwang ng ika-68th anniversary ng SSS, sinabi ni SSS President at CEO Robert Joseph de Claro na epektibo ngayong ­Setyembre 2025, diretso na nilang ibibigay sa account ng mga pensioners ang benepisyo kaya’t hindi na sila maaabala pa para magtungo sa alinmang SSS branches.

Aniya, nasa halos 4 milyon ang mga pensioners nationwide.

Sinabi ni de Claro na ang taas pension ay tatlong taon ipagkakaloob ng SSS sa mga pensioners o mula ngayong September 2025 hanggang 2027.

Layon aniya ng programa na kilalanin ang naging kontribusyon ng mga pensioners sa SSS.