2 HVI sa Navotas, timbog sa buy-bust
MANILA, Philippines — Dalawang high value individual (HVI) sa Navotas City ang naaresto ng mga awtoridad sa isinagawang buy-bust operation kahapon ng madaling araw
Nakilala ang mga suspek na sina NPD-Navotas City Police Station Reynaldo Ace dera alyas “Kalbo”, 43, residente ng Blk. 3 Lot 40 Site 8, Brgy. NBBS Dagatdagatan, Navotas City at Jenalyn Lumapac alyas “Bibeng”, 42, ng Blk. 4 lot 21 site 8, Brgy. NBBS Dagatdagatan, Navotas City.
Batay sa imbestigasyon ni PStaff Sgt. Ramir Ramirez ng Navotas Police Station, ang drug operation ay isinagawa dakong alas-3:20 madaling araw sa Matangbaka St., Brgy. NBBS Dagatdagatan nang makumpirma ng mga operatiba ang illegal na gawain ng mga suspek.
Sa report ni PCapt Luis Rufo, Jr., OIC ng Station Drug Enforcement Unit kay Northern Police District (NPD) PBGen. Ponce Rogelio Peñones, Jr., matagal nang minamanmanan ng mga operatiba ang kilos nina Acedera at Lumapac bunsod na rin sa kanilang natanggap na impormasyon.
Agad na binuo ng pulisya ang kanilang tropa at nagpanggap na poseur buyer si Cpl Abraham Col kung saan nakabili ito ng shabu na nagkakahalaga ng P500.
Nakuha sa mga ito ang apat na piraso ng heat-sealed transparent plastic sachet na naglalaman ng white crystalline, P500 bill, sling bag, nokia cellphone at 55.27 gramo ng shabu na may street value na P375,836.
- Latest
