‘Gunman’ ng LTO exec, kinasuhan ng murder
MANILA, Philippines — Sinampahan ng kasong murder ng Quezon City Police District (QCPD) ang suspek sa pamamaslang sa opisyal ng Land Transportation Office (LTO) na si Mercedita Gutierrez, Registration Division chief, nitong Lunes ng gabi.
Nasa kustodya ngayon ng QCPD-Criminal investigation and Detection Unit ang suspek na nakilala ng si Danny Toledo Bulado, 31, tubong Zamboanga at residente ng Brgy. Batasan Hills, Quezon City.
Si Bulado ang sinasabing nakahulog ng beltbag na naglalaman ng OR/CR ng motorsiklong ginamit sa pag-ambush kay Gutierrez noong Biyernes ng gabi sa panulukan ng Kamias at K-H St. Brgy. Pinyahan, Quezon City.
Bumuo ang QCPD ng Special Investigation Task Group Gutierrez sa pamumuno ni PCol. Amante Daro at sa loob ng 24 oras ay nadakip sa follow-up operation si Bulado.
Sinabi ng QCPD na nasasagawa pa rin sila ng masusing imbestigasyon sa posibilidad na miyembro ng gun-for-hire ang suspek.
- Latest
