Metro mayors susuyuin ang mga senador sa carpooling
MANILA, Philippines — Malamang ngayong buwan na ito ay makikipag-dayalogo na ang Metro Manila Council (MMC) sa mga senador para ilatag dito ang positibong epekto nang carpooling at pag-ban sa EDSA ng mga sasakyan na driver lang ang sakay.
Ayon kay Bong Nebrija, supervising operations officer ng Metropolitan Manila Development Authority (MMDA), nakatakdang iprisinta ng mga alkalde sa Metro Manila, na miyembro ng MMC sa mga senador ang positibo at magandang epekto ng naturang traffic scheme.
“They will present carpooling para malaman nila that is also a kind of a traffic reduction measure needed on EDSA especially these ‘ber’ months,” ani Nebrija
Idinagdag pa nito na nakapokus din sila sa isinasagawang pagmamantina sa daloy ng trapiko lalo na’t sisimulan na ang rehabilitasyon ng Old Santa Mesa Bridge, Mabini Flyover at Nagtahan Bridge.
Isa sa kanilang ginagawang hakbangin para aniya magkaroon ng traffic reduction sa Metro Manila ay ang araw-araw na clearing operation.
Muling pinaalalahanan ang mga motorista at commuters na makakaranas ang mga ito ng matinding trapik, dahil uumpisahan na sa Sabado (Setyembre 15) ang rehabilitasyon sa nabanggit na mga tulay.
- Latest