Neighborhood Anti-crime Groups, bubuuin sa QC, kontra krimen

MANILA, Philippines - Bubuo ang Quezon City  ng isang neighborhood crime watch groups na aasisti sa mga pulis para maka­tulong  na maibsan ang mga insidente ng karahasan at krimen sa bawat lugar sa lungsod.

 Kaugnay nito, isang me­morandum ang ikinakasa ni QC Mayor Herbert Bautista para sa pagbuo ng naturang grupo sa may 142 barangay para masino ang mga tauhan na kabibilangan nito.

Itinalaga ni Bautista ang QC Liga ng mga Barangay at ang  barangay operations center para pangunahan ang paghahanda sa naturang proyekto.

 Una nang naiparating ni Bautista sa ginanap na pulong ng mga miyembro ng QC peace and order council sa City Hall ang pangangailangan na malagyan ng closed circuit television cameras sa lahat ng barangays sa lungsod upang makatulong ito na pag­resolba sa  krimen.

 Bukod dito, hinikayat ng alkalde ang  barangay anti-drug abuse councils na palakasin pa ang kampanya kontra illegal­ drugs na siyang na­giging ugat ng mga karahasan at krimen sa lunsod.