Habang hinihintay ang misis Parak itinumba sa Malabon

MANILA, Philippines - Utas ang isang pulis nang tambangan ng limang armadong kalalakihan habang ang biktima ay nakaupo sa motorsiklo at hini­hintay ang kanyang misis kahapon ng umaga sa Malabon City.

Dead-on-the-spot san­hi ng mga tama ng bala sa katawan at ulo ang biktimang si PO2 Rolando Madronero Jr., 32 at naka­talaga sa Regional Police Holding Area Unit (RPHAU), National Capital Region Polic­e Office (NCRPO).

Ayon kay Malabon City Police Chief Sr. Supt. Ferdinand Ampil, naganap ang insidente dakong alas-6:45 ng umaga sa 1st St., Brgy. Tañong ng naturang lungsod.

Nabatid na nakaupo ang biktima sa kanyang motorsiklo at hinihintay ang kanyang misis upang mag-intrega ng suweldo nang biglang sumulpot ang mga suspek at walang sabi-sa­bing pinagbabaril ang pulis.

Matapos ang pamamaril  ay parang walang nangya­ring naglakad lamang ang mga suspek habang na­iwan ang duguan at wala nang buhay na biktima.

Pa­tuloy pa rin ang imbes­tigasyon ng awtoridad hing­gil sa nasabing insi­dente habang blangko pa sa motibo sa naganap na pamamaslang.