Gasoline station hinoldap

MANILA, Philippines - Nalimas ang magdamag na kita ng isang sangay ng Shell gasoline station makaraang holdapin ito ng isang arma­dong lalaki, iniulat kahapon.

Sa ulat ng Quezon City Police Station-3, ganap na alas-3 ng hapon nang holda­pin ng suspect ang Shell gasoline station sa may Brgy. Baesa sa lungsod.

Ayon sa report, kasalukuyan umanong nagbibilang ng pera ang kahera ng nasabing gasolinahan na si Marie­lyn Hermano nang biglang lapitan ng suspect at tutukan ng baril sabay deklara ng holdap. Sa takot ng biktima ay agad nitong ibinigay sa suspect ang may P5,000 na kinita ng nasabing gasolinahan sa buong mag­hapon.

Matapos makuha ang pakay­ ay agad na tumakas ang suspect. Patuloy naman ang imbestigasyon ng awtoridad kaugnay sa insidente.