Driver dinedo sa loob ng pinapasadang taxi

MANILA, Philippines - Nakatali ang mga kamay at paa, binalutan ng packing tape sa mukha at saka pinagsasaksak ang isang driver ng hindi pa kilalang suspek nang matagpuan ang bangkay nito sa loob ng pinapasadang taxi kahapon ng umaga sa Malabon City.

Kinilala ang nasawing biktima na si Perlito Villafuerte Jr., 38, ng Maligaya St., Antipolo City.

Sa inisyal na report ng Malabon City Police, dakong alas-5 ng umaga, nang mapansin ng mga residente ang nakaparadang Larry & Leth Taxi sa kahabaan ng Mango Road, Brgy. Potrero ng nabanggit na lungsod. Nang silipin ang likurang upuan ay doon nakita ang bangkay ng biktima. Nagsasagawa na ng follow-up operation ang mga pulis hinggil sa nasabing insidente.