2 dedo sa motor

MANILA, Philippines - Tumilapon at nabagok ang ulo ng magka-angkas na dalawang lalaki sa isang motorsiklo na nagresulta sa kanilang kamatayan sa Quiapo, Maynila kahapon ng madaling araw.

Dead-on-the-spot ang nagmamaneho ng XRM na motorsiklo na si Jessie Oblero, 34, ng Sampaloc, Maynila habang dead-on-arrival naman sa Ospital ng Maynila ang pasahero niyang si Victor Valdez ng 2825 Grace Park Ave., Caloocan City. Wala silang suot na helmet nang maaksidente.

Nabatid na dahil sa bilis ng pagpapatakbo ni Oblero ay sumampa ang motorsiklo sa isang center island at nawalan na ng control ang motorsiklo at tumilapon ang dalawang sakay na nagpagulung-gulong pa umano sa kalsada. (Ludy Bermudo)