100 pupils nalason sa hotdog sandwich
() - September 22, 2008 - 12:00am

Mahigit 100 estud­yante ng Jose Corazon de Jesus Elementary School sa Juan Luna, Tondo, Maynila ang isinugod sa Jose Reyes Memorial Medical Cen­ter­ at Mary Johnston Hospital matapos ma­lason sa kinain nilang mais con yelo, sandwich na may palamang hot­dog, mayonnaise at itlog noong Biyernes ng hapon sa canteen ng paaralan.

 Nakaranas ng pag­kahilo, pagtatae, pag­susuka at lagnat ang mga batang isinu­god sa mga nabanggit na pa­gamutan. Sinabi ng

mga magu­lang ng ilan sa mga biktima na pa­wang sumama ang ka­lagayan ng kanilang mga anak noong Bi­yernes ng gabi.

Inakala nilang sim­pleng pagkahilo lamang ang nangyari sa mga bata pero nang hindi pa rin nagbabago ang kon­ disyon ng mga ito ay isi­nugod na nila sa ospital.

Ayon naman kay Trinidad Galang, principal ng paaralan, sagot ng eskuwelahan ang lahat ng gastos sa mga estudyanteng naospital.

Gayunman, itinanggi nito na posibleng sa mais con yelo at tinapay nanggaling ang pagka­lason ng mga bata dahil, sa inisyal na findings ng doktor sa JRMMC, ito umano ay “amoeba bac­­teria” bagama’t hi­nihintay pa niya ang opisyal na finding sa laboratory test na gi­nawa sa mga bata.

Sinabi pa ni Trinidad na mineral water naman ang ginagamit nilang tubig at ang supplier ay ang Parents Teachers Association ng esku­welahan.

 Siya umano ang personal na nangasiwa sa paghahanda ng mga pagkain na ibinenta sa mga bata noong Bi­yernes dahil absent ang gurong si Maryjane Re­punzo na in-charge sa canteen noong Biyernes.

Nalaman na ipi­na­­­­lipat din ng JRMMC sa San Lazaro ang ibang estudyante na dinala dahil napuno na ng mga estudyante ang emergency room.

Sa panayam kay Gerlie Mae Hizole, grade 4 pupil, sinabi nito na kumain lamang um­ano siya ng mais con yelo na ibinebenta sa canteen ng paaralan sa halagang P6.

Sinabi rin ni Rufa Mae Tindionco, Grade 3 pupil, na kumain siya ng sandwich na may pa­lamang mayonnaise noong oras ng kanilang recess sa canteen.

 Sinabi naman ni Cecile Bautista, isa sa mga magulang, na hindi sila magrereklamo dahil aksidente ang nangyari at sinagot naman ng eskuwelahan ang gas­tos sa pagpapaospital sa mga bata.

BIYERNES CECILE BAUTISTA GERLIE MAE HIZOLE JESUS ELEMENTARY SCHOOL JOSE CORAZON JOSE REYES MEMORIAL MEDICAL CEN JUAN LUNA SHY SINABI
  • Latest
  • Trending
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with