Patay na sanggol iniwan sa bus ng ina

Isang sanggol ang itinapon ng sa­riling ina nito sa loob ng isang pampasa­herong bus, kamakalawa ng gabi sa Pasay City.

Ang nasabing sanggol na tinatayang kaluluwal pa lamang ay natagpuan dakong alas-6:05 ng gabi ng konduktor ng pampaherong bus na may plakang TYP-197 na may biyaheng Baclaran-Fairview, Quezon City.

Ayon sa imbestigasyon ng pulisya, isang traffic enforcer na si Bernardo Cañas, 27, residente ng Versaville Exe­cu­tive Homes, Las Piñas City ang inabutan ng nasabing konduktor ng bus ng supot na nag­la­laman ng patay na sangol.          

Agad namang dinala ni Canas ang na­sabing sanggol sa Sta. Clara Parish Church sa Padre Burgos St., Pasay City kung saan pinabasbasan at pina­dasalan niya muna ito sa parish priest ng nasabing simbahan bago dinala sa pune­rarya para ma-ebalsamo at bigyan ng ma­ayos na libing.

Kasalukuyan namang inaalam ng pu­lisya kung sino ang  ina ng nasabing sanggol. (Rose Tamayo-Tesoro)