Jeep vs motorsiklo: 1 dedo

Patay ang dating body­guard ni Marikina City Mayor Ma. Lourdes Fernando maka­ra­­ang banggain umano ng isang pampasahe­rong dyip ang minamaneho nitong mo­tor­siklo kamakalawa ng gabi sa nasabing lungsod.

Namatay habang ginaga­mot sa Amang Rodriguez Medical Center sanhi ng tina­mong pinsala sa ulo at kata­wan ang biktimang si Alfredo Guiterez Jr. 36, residente ng Wallnut St. Brgy. San Roque ng lungsod na ito, dating body­­guard ng nasabing mayor na ngayon ay naka­talaga sa Office of Public Safety and Security ng lung­sod na Marikina.

Arestado naman ang sus­pek na si Evangelino Ayunan, 35, ng Batasan Hills Quezon City, drayber ng nakabang­gang pampasaherong dyip.

Ayon sa ulat, naganap ang insidente dakong alas-7:40 ng gabi sa kanto ng Eagle at Fal­con sts. Brgy. Sta. Elena ng na­­sabing lungsod habang nasa kasag­sagan ng malakas na ulan. Nabatid na sakay ng kan­­yang  motorsiklong Honda Wave na may plakang IY-5884 ang biktima ng makasa­lubong at banggain umano ng pam­pa­saherong dyip na mi­nama­neho ng suspek.

Dahil sa lakas ng bangga ay tumilapon ng ilang metro ang biktima mula sa kanyang motor­siklo at una ang ulong bumag­sak sa sementadong kal­ sada. Mabilis pang na­isu­god sa na­sabing paga­mutan ang biktima subalit namatay din ito ilang oras ang lumipas dahil sa matinding pinsalang tinamo. (Edwin Balasa)