Lady recruiter, tugis sa kasong libelo

Malaki ang hinala ng ilang miyembro ng Warrant Section ng Manila Police District na nagtatago na ang isang babaeng recruiter matapos na maglabas ng warrant of arrest laban sa kanya sa kasong libel.

Enero 29, 2007 ng lagdaan ni QCRTC Judge Rosanna Fe Romero-Maglaya ang warrant of arrest laban kay Shahara Abdullah, may-ari ng SGA Shahara Manpower International Services.

Nabatid na bukod sa kasong libel, may kaso din itong light threats, unjust vexation at grave threats.

Matatandaan na una nang naaresto ng NBI sa isang entrapment operation si Victor Fortuna na sinasabing kasabwat ni Shahara sa extortion activities.

Isinagawa ang entrapment activities sa World Center sa Makati.

Pinaghahanap pa ng pulisya ang mga posibleng kasabwat ni Abdulla sa kanyang mga ilegal na gawain. (Gemma Amargo-Garcia)