Misis at lover naaktuhan ni mister

Nahuli sa akto ng isang negosyanteng Tsinoy kasama ang ilang kagawad ng Central Police District Office-Criminal Investigation Unit ang kanyang misis at kalaguyo nito sa loob mismo ng kanilang master’s bedroom na nagsasalo ng kanilang bawal na sandali sa Corinthian Garden sa Quezon City kahapon ng umaga.

Agad na inaresto ng mga pulis sina Lily Tanco-Yu at lover na si Roberto Ong-Young matapos silang ipagharap ng reklamo ni Roque Yu, 47, pansamantalang naninirahan sa 209 Pasadena Drive, San Juan.

Sa ulat, dakong alas-9:30 ng umaga nang arestuhin ang dalawang umano’y magkalaguyo ng awtoridad at nadatnan na pawang half-naked sina Tanco-Yu at Young at magkapatong.

Nauna rito, sinabi ni Leticia Casali, katulong ng mag-asawa na madalas umano niyang mahuli ang amo at lover nito na naghahalikan habang ang mga anak ng babae ay nasa paaralan.

Nabatid kay Roque na dalawang taon na umano ang nakakalipas nang palayasin siya ng Ginang sa kanilang tahanan bago tuluyang nagsampa ng annulment. (Ulat ni Jhay Mejias)