Buk-a ang akong dughan

Nasayran ni Emong nga gisugot ni Divina si Alexis ug gisakitan siyang naghunahuna niini. Dugay na siyang naninguha sa dalaga apan ingon sa likaylikayan siya niini.

“Bagaa nimo’g nawong, uy, Emong. Imo pa gyud kong gianhi sa among eskuylahan ug daladala ka pa’g mga buwak. Hoy, dili tawon tika type, uy. Wa koy gusto nimo. Di ba tulo na man katuig nga mora’g dili gyud ko nimo lung-an, baga ka gyud og nawong kay dili man bation og kauwaw bisa’g giprangkahan na nga wa gyud ko tawoy gusto nimo.

Duna na man koy uyab, kaila man tingali ka, si ... si Alexis ... ug dato pa gyod siya, ug ikaw, hulmigas ka lang diha sa tiilan ni Alexis kun kahimtang maoy hisgutan,” milamurok daw nanglimuok ang matahom nga panagway ni Divina.

Milabay ang daghang katuigan. Nahibaw-an ni Emong nga gipamabdosan lang ni Alexis si Divina, kinsa gisalikway sa iyang pamilya gumikan kay gikauwaw nila siya.

Usa ka adlaw wala tuyoang nasugatan ni Emong si Divina nga puwerte nang daota kay ang trabaho mao man lang ang pagpanglabada sa sapian nga mga silingan. Mihunong si Emong nga mitutok sa babaye nga kanhi maoy mihiwa ug migisigisi sa iyang kasingkasing ug dughan. “Divina, ikaw ni?” hinay’ng sulti ni Emong. Maayo na ang iyang pagkabutang kay gikan man siya sa gawas ug nakabalay’g dako ug dunay lima ka mga sakyanan ug milampos siya sa iyang negosyo.

“Emong, nagdumot ka nako, hangtod ron, di ba?,” kahilakon si Divina. “Pasayloa ko, ha, Emong...”

“Okey ra,  uy, Divina,” ni Emong nga mitubag. “Mao ni gaba nako, Emong, kining gidangatan nako. Gisamaran ug gipikas ko ang imong dughan,” dihay luha sa mga mata ni Divina.

“Kita pay nagkadayon, no, Divina, tingali ako na ang labing malipayon nga binuhat dinhi sa ibabaw sa kalibotan,” miigham si Emong. “Aw, kapalaran maoy naghimo niini kanato, Div, ang nabuak kong dughan nga imong gibuak hinayhinay man usab nga nahibalik sa pagkatakdo...”

Sa ilang panagbuwag dunay mga tunob nga wala mahulma sa dalan sa kapalaran. (Katapusan)

Maglisod og move on

Ni Rowel Ucat

Call me Phoebe. First ni nga Pasko nga wala na akong uyab. Lami kaayo mukanta og SANA NGAYONG PASKO, AY MAALALA MO PARIN AKO. Usa na ko’s member sa SMP ani. Samahan ng Malalamig ang Pasko. Nag buwag mi April 2016 pero hangtod ron, dili  gihapon ko ka move on niya. Nagdugay sad mi’ng duha oy. July 2016, nag decide na gyud ko nga mag move on na ko niya. As in, g-iblock na nako tanan niya’ng accounts, ug gi-delete napud nako iyang number. Pero memorize pa gud gihapon nako. Problema lang gyud, bisan og gi-block na nako siya sa akong accounts, naghimo gihapon ko og bag-o nga account para maka stalk niya. Para makahibaw unsa na iyang gabuhaton ug kumusta sila sa iyang bag-ong uyab. Tungod sa kasakit sa akong gibati, nigawas ko’s Pilipinas aron maka move on ug makalimot niya. That was last September 2016. Pero ambot ngano, hangtod ron, dili gihapon ko ka move on. Unsa ma’y akong buhaton aron malimtan siya? Basin matiguwang na lang ko, dili  gihapon ko makalimot niya.

* * *

Phoebe, first of all, ang Pasko, para na sa selebrasyon sa pagkatawo ni Jesus. Dili  na para sa imong uyab maong dili  required nga naa ka’y uyab panahon sa  Pasko. Ayaw pag maoy kung single ka karong Pasko. Maayo kay naningkamot ka nga maka-move on. Pero ang problema pud, wala’y effect imong pag move-on kay siya raman gihapon imong gihuna-huna. Pareha ka ana’ng mga tawo nga kusog kaayo mag -diet. Diet diet pero sige ra gihapon og kaon. Move on move on, pero in love pa diay gihapon. Phoebe, naa na siya’y bag-ong uyab. Naka move on na siya nimo. Your turn. Pag move on na pud niya. Lisod mo let go sa usa ka tawo especially atong tawo nga love kaayo nimo. Pero wala naka’y laing mahimo. Palayo na kay dili  na ikaw iyang gusto. Ang nakasakit anang pagpalayo, kay kanang nihawa naka, pero wa gyud ka niya gukda. Pero bisan og sakit, kinahanglan na nimo buhaton. Palayo na. Dawata na lang nga dili  na to mabalik tang  mga moments ninyo sa una. Unsa imong buhaton aron malimtan siya? Wala. Dili  man nimo siya kinahanglan limtan. Kinahanglan lang gyud nimo dawaton ang kamatuoran nga dili  na ka niya balikan, ug dili  na ikaw iyang ganahan.