Maria Magdalena - Gula 79

“Hatagi ko palihog sa imong contact number,” matud ni Camilo sa dihang mibangon na ako ug nag-ilis.

“Sure,” matud ko.

Gihatag nako kang Camilo ang number sa akong cellphone. Gihatag sab niya ngari nako ang number sa iyang cellphone.

“Mobalik na ko sa among cottage,” nananghid ko kang Camilo. Tingali’g nagmata na karon si Emilio.”

“Emilio diay ang ngalan sa usa nimo ka lover boy?” sukit ni Camilo.

“Oo taga Carcar siya.”

“Makalaom ka, Maria, nga dili ko manghilabot sa inyong relasyon basta sige gihapon ang atoa, ha.”

“Lagi.”

Mibalik na ko sa cottage nga giokupar namo ni Emilio. Gihinay nako’g abli ang pultahan. Mainampingon kong misulod. Nagpasalamat ko sa hilom kay naghagok pa gihapon si Emilio. Wala gyud siya’y kasayuran nga migawas ko sa among cottage.

Sukad niadto, nag-apply ko’g time management sa paggahin og time sa duha nako ka lover boy. Maayo na lang kay dili magdungan og text ang duha. Usahay atangan ko ni Camilo everytime nga moadto ko sa siyudad. Si Emilio, kuhaon ko sa balay bisan dis-oras sa gabii ug manglakaw kami sakay sa kaugalingon niyang multicab.

Bisan asang dapit lang kami mag-sex. -- Sumpayan pa