Maunongon Ang Gugma
Gula 31
“Pero ngano man nga ingon sa hugot man gayod ang imong pagdumili kang Randy Unson? Matud pa sa uban, ang kasingkasing katudloan man kun kinsa ang angay higugmaon. Basin diay kun makakat-on ka na sa paghigugma kang Randy kun magtiayon na unya kamo?”
“Dili kana mahitabo, Jeffrey. Dili mahitabong makakat-on ako sa paghigugma kaniya tungod kay dili nako madawat ang iyang pagkatawo. Itom siya og tanlag.”
“U-unsay buot mong ipasabot?”
“May nasayran kong mga tinagoan sa pagkatawo ni Randy.”
“W-wala ko ikaw hisabti?”
“Na-involved siya sa usa ka dakong sindikato sa drug trafficking dinhi sa Sugbo. Sakop siya sa Bangkulis Gang.”
“U-unsa?”
“Mao kana, Jeffrey. Usa si Randy sa lig-ong mga haligi sa maong pundok.”
“Giunsa mo man pagkasayod niini, Danica?”
“May gihuptan kong hunch and circumstantial evidences batok ni Randy.”
“Hain ang maong mga ebidensiya?”
“Nia kanako. Wala ko gayod kini ibuwag kanako kay namasin ko nga may tawo nga makatabang kanako mahitungod niini.”
“M-mahimo bang ipakita mo kanako ang maong mga ebidensiya?”
“Nganong dili?” -- Sumpayan pa
- Latest
- Trending
