LJ diriyot malumos, gitabang ni Alfred

Wala makapugong si Alfred Vargas nga magtan-aw lang nga hapit na malumos ang kanhi girlfriend niyang si LJ Reyes sa usa ka challenge nga gihimo nila sa usa ka beach resort sa Batangas niadtong Huwebes.

Suma pa sa PangMasa nga lawom kaayo ang tubig sa lugar nga gihimoan sa event diin ang challenge mao nga puniton ang mga botilya sa shampoo makatulo. Magka-team silang Alfred ug LJ, kauban silang CJ Muere, Maegan Young, AJ Eigenmann ug Karel Marquez, pero dili nila pwedeng tabangan ang ilang ka-team, kung dili, ma-disqualify sila. Pero dihang nakit-an ni Alfred nga naglisod na si LJ nga mura na og nalunod, wala na siya nakaantos, mi-dive na siya sa tubig ug gitabangan na si LJ.

Natabang si LJ ug walay puas ang pagpasalamat niya ngadto kang Alfred. Dihang gipangutana si Alfred kung aduna nay chance nga magbalik sila ni LJ, tubag niya nga dili kini dali-dali. Suma pa niya bisan kinsa buhaton gyud kadto niya, samot pa nga si LJ nga kanhi girlfriend niya ug concerned siya pirmi sa kaayuhan sa dalaga.

Dihang gibinoangan si Alfred nga sila si LJ na ug JC de Vera ang na-develop sa ilang taping sa "Magic Kamison" sa Baguio karon, dali nga mitubag ang ulitawo og, "hindi nanliligaw si JC kay LJ."

Gladys mobakasyon una sa Amerika

Nahuman nang mag-taping si Gladys Guevarra sa "Magic Kamison" ug sa sunod Dominggo finale na sa ikaduhang episode nga "Little Big Rufo," diin bida sila si Dingdong Dantes ug Karylle. Mahuman na pod ang taping nila sa "Ghost Bride" sa Baguio City. Nahibaw-an sa PangMasa gikan sa manager niyang si Jun Nardo nga pagkahuman niini, mogawas si Gladys para magbakasyon sa States, makapahuway ug bisitaon usab ang iyang mga paryente didto. Pagbalik niya, aduna siyay bag-ong show nga himoon ug naa pa gihapoy laing season sa "Magic Kamison."

Panky excited nga moniwang

Super-excited na si Panky Trinidad sa mamahimong resulta sa iyang pagpaniwang. Sa pagkakaron man gud usa na ka Dominggo nga ubos sa usa ka slimming program ang Pinoy Dream Academy finalist ug dili na siya makahulat sa outcome niini.

"Grabe, gustong-gusto ko na talagang pumayat," asoy ni Panky ngadto sa PangMasa.

Sa pagkakaron daghan siya'g gitumar nga pills ug magpadayon kini sulod sa duha ka buwan. Wala siyay nabatyagan nga side effects, gawas lang nga kanunay siyang bation og gutom.

By next week, naglaum na si Panky nga aduna nay makuha sa iyang timbang. Target niyang makuha ang 60-70 lbs.

"Naku, humanda ang showbiz pag pumayat ako," binoang pa niya.

In fairness, gwapa gyud si Panky. Figure lang niya ang nahimong setback niya mao nang gusto na kaayo niyang modaut.

Giklaro ni Panky nga walay laing rason nganong buot niya nga moniwang, kungdi para lang sa career ug siyempre, sa kaugalingon niya. Dili kini tungod sa gugma kay wala gyud siya'y uyab sa pagkakaron.

Samtang nag-andam na si Panky para sa nagkaduol na niyang paggawas paingon sa USA kauban silang Yeng Constantino, Irish Fullerton, Chad Peralta, Ronnie Liang ug Jay-R Siaboc.

Mobiya sila karong Abril 7 pero mouli una siya sa iyang hometown diri sa Cebu para mo-spend diri sa Holy Week.