PDA top 10, super pinangga

Tinood gyud nga bulahan ang mga graduates sa "Pinoy Dream Academy," ilabi na ang Top 10 nga sila si Yeng Constantino, Jay R Siaboc, Ronnie Liang, Irish Fullerton, Chad Peralta, Panky Trinidad, Emman Abatayo, Davey Langit, Yvan Lambatan ug RJ Jimenez.

Tsika sa PangMasa nga ang Dream Big Productions gimugna aron maoy muduma sa ilang career pinaagi sa Dream Management, ang record label nilang Dream Music ug ang magdumala sa mga concerts nila, ang Dream Concerts.

Ang PDA's Business Unit Head nga si Laurenti Dyogi ang General Manager ug si Jon Ilagan ang Managing Director, nga maoy makig-istorya para nila, parehas sa paghimo nila og solo album sa ubang recording company.

Kung sila si Yeng, Jay-R, Chad ug ang Cebalo Band diin miyembro sila si Panky, Emman, Davey ug Yvan, adto sa Star Records mohimo og album. Dunay nindot nga offer ang Warner Music alang ni Irish ug ang Universal Records alang ni Ronnie.

Gitin-aw ni Ronnie nga dili problema alang niya kung i-promote niya sa GMA-7 ang album niya kay wala man siyay pagmahay kung unsa man ang nahitabo niya human siya nataktak gikan sa "Pinoy Pop Superstar."

Nasayud si Ronnie nga ang mao niyang pagkataktak dunay rason ug dunay giandam alang kaniya ang Ginoo.

Nakasabot usab si Ronnie nga dili mahimo nga sila tanan maoy atimanon sa Star Records.

Samtang excited na ang "PDA Top 6 US Concert Tour," kay first time nilang tanan nga makaadto sa States, except ni Irish nga lumad gyud nga taga-didto.

Nagsugod na ang ilang provincial tour sa Davao niadtong Disyembre 23, 2006, sundan kini karong umaabot Pebrero 2 sa New Cebu Coliseum sa Cebu, sa Expo Filipino sa Clark Field inig Pebrero 10 ug aduna pod silay Valentine concert sa Aliw Theater karong February 14.

Ang US tour nila magsugod karong March 28 hangtud April 12 sa San Diego, San Francisco, West Hollywood, Chicago, New York ug Las Vegas. Under negotiation pa ang tour alang sa Australia ug Japan.