Iwa tabangan ni Katrina

Dili na manggilabot si Katrina Halili sa taho nga duna silay dili maayong pagtinagdanay sa newcomer nga si Iwa Moto, gani naglibog man siya diin naggikan ang maong isyu.

Si Katrina nga nahinabi sa PangMasa namahayag nga buot man gani niya nga tabangan si Iwa sanglit nasinati usab niya kaniadto unsa ang sitwasyon kon bag-o pa lang sa showbiz.

"Kung sinuman ang nagsimula ng tsismis na 'yan, naku mali sila, 'no!" mikatawa si Katrina. "Unang-una wala namang ginagawa sa akin si Iwa. Minsan lang yata kaming nagkasama sa isang show pero I find her nice naman."

Matud ni Katrina nga ang iyang nadunggan siya maoy gisunod ni Iwa busa miingon siya nga kon ugaling tinood kini angayan nga malipay pa siya sanglit pila pa lang siya katuig sa showbiz apan duna nay misunod kaniya.

Si Iwa usab sa iyang bahin mibuhi niining maong pamahayag, "Nahihiya nga po ako kay Ate Katrina kasi wala naman kaming away, pero may nagpapa-away sa amin," ngiti pa ni Iwa. "Sana po tigilan na nila kasi wala naman talaga. Idol ko po sa kaseksihan si Ate Katrina at kung gusto ko man magpa-sexy, si Ate Katrina na ang susundan kong yapak. Gusto ko ring maging mala-Black Darna, 'di ba?"

Jennylyn, nagduka

Nagduka si Jennylyn Mercado sa dihang nag-presscon alang sa iyang birthday concert karong May 15 sa Music Museum sanglit wala pa siya maka-adjust sa oras.

Gipasabot ni Jennylyn nga nagduka siya tungod kay naanad siya nga ang alas singko sa hapon nga maoy oras sa ilang presscon, alas singko? pa ka na didto sa New York diin nag-taping sila sa labing bag-o nga dramedy sa GMA-7 nga giulohan og " I Love New York."

"Music In Me," ang title sa birthday concert ni Jennylyn diin guest niya sila si Janno Gibbs, ang ka-love team niya nga si Mark Herras (diin duna silay dirty-dancing number ), si Aiza Seguerra ug ang bandang Hale.

Dunay gipanghambog nga very special guest si Jennylyn kinsa nagbilin og intriga ngadto sa mga himantayon tungod kay si bisan kinsa na lang nga mga male singers ang ginganlan wala gayud motug-an si Jennylyn.

Ang maong concert maoy first venture sa young star isip producer.

Miriam, mobalik na sa Hongkong

Karon nga mipagawas na og statement ang GMA-7 nga sa May 26 na lamang kutob ang Extra Challenge, gitin-aw ni Miriam Quiambao nga humanon na lamang niya ang tulo ka episodes ug mobalik na siya sa Hongkong.

Unang gikataho nga dili na malipayon si Miriam sa iyang Italian businessman nga bana ug gani nagbuwag na sila, apan karon nga namulong na ang kanhi beauty queen nga mobalik na siya sa Hongkong nanghinaut siya nga mahunong na ang mga intriga.

Nasayran nga kutob na lamang sa May 26 ang Extra Challenge tungod kay nahukman sa management nga panahon na nga tapuson ang maong reality based show samtang pabilin pa sila nga numero uno.

Nagkanayon usab ang management nga human sa kalampusan sa EC, wala na silay angay pa nga pamatud-an pa.