Gretchen gipangita sa mga tigbalita

Wanted karon ang beauty ni Gretchen Barretto human sa Claudine Barretto-Raymart Santiago wedding.

Suma pa sa PangMasa nga nagpanikad ang mga sakop sa showbiz press nga buot masayod kon tinood ba ang migawas nga mga taho nga dunay luwatan nga pamahayag si Gretchen human unya sa giisip nga "wedding of the year."

Naghinam-hinam ang mga himantayon nga masayod kon unsay mensahe ni Gretchen sanglit naila man ang naulahi isip newsmaker diin sigurado gyud nga Hugyaw unya ang mga pulong nga batbaton sa iyang mga ngabil.

Wala gyud imbitaha si Gretchen alang sa maong kasal hinungdan nga no-show ang iyang beauty gawas pa nabalita na dinhi sa Banat Hugyaw kagahapon nga adto sa bunyag sa anak sa iyang amiga motekang ang maanyag nga kanhi "Sex Goddess" sa Philippine Cinema.

* * *

Mag-uban alang sa usa ka tribute concert sila si Rachelle Ann Go, Mark Bautista, Jay-R ug Juris Fernandez and Chin Alcantara sa MYMP.

Ang pasidunggan sa maong konsyerto walay lain kondili ang award-winning ug sikat nga songwriter nga si Vehnee Saturno kinsa magsaulog sa iyang silver anniversary sa industriya.

Giulohan og Silver Songs of Vehnee Saturno,ang kita sa maong pasundayag gamiton alang sa renovation sa Sta. Maria Goretti Parish nga tua mahimutang sa Pope Pius XII Catholic Center, Manila.

Mahitabo kini karong May 26 sa alas otso sa gabii didto sa Araneta Coliseum.

Lakip sa mga kanta nga ipadungog unya mao ang "Sa Aking Puso, Sana Kahit Minsan ug Simple Lang," nga gipasikat ni Ariel Rivera kaniadto ug kantahon unya nila ni Juris ug Chin.

Apil usab ang "Bakit Pa, Di Ba't Ikaw ug Paano Kaya" nga kantahon ni Rachalle Anne kauban ang original singer nga si Jessa Zaragoza.

Ang ubang mga kanta nga apil sa repertoire nga kantahon ni Mark mao ang misikat niadtong 1980's sama sa "Para Sa'Yo, Makapiling Ka Sana ug Nag-iisang Ikaw".

Makauban ni Mark sila si Randy Santiago, Dingdong Avanzado ug Louie Heredia. Samtang kantahon ni Jay-R ang labing una niyang tagalog nga kanta nga misikat nga gioluhan og "Kung Mahal Mo Siya" gawas sa special numbers nga kauban sila si Rachelle, Mark ug MYMP.

Daghan pa ang guest sa maong concert sama nila ni Concert King Martin Nievera Jaya, Ella Mae Saison,The CompanY, Priest In The City ug ang Ateneo Glee Club.