Pauleen naibog ni Dingdong, Karylle wa mahulga
- Ryan Mark () - March 21, 2006 - 12:00am
Wala mabalaka si Karylle bisan pa og namahayag si Pauleen Luna nga "feel na feel" niini ang iyang uyab nga si Dingdong Dantes human sila magkahawkanay kaniadto sa pantaseryeng Etheria.

Hinonoa nalipay pa hinoon si Karylle sa maong taho sanglit nagpasabot lang kini nga daghan gyud ang nakagusto sa iyang uyab. "I'm aware that many girls are really attracted to Dingdong and I can't do anything about it. It only means that I made the right choice, 'di ba?" pahiyom ni Karylle sa dihang nahinabi sa PangMasa."Wala namang masama if Pauleen likes him or any girl for that matter. Alam naman ni Dingdong ang dapat niyang ikilos and he respects every girl who admires him."

Dako gyud og pagsalig si Karylle kang Dingdong, gani sa pelikulang 'Moments of Love" dili man silang duha ang gipares kundili si Iza Calzado sanglit dili loveteam nila ang gibaligya dinhi ning maong lilas.

"It's true because Moments Of Love is not a love team movie but it's a love story between two people of two different times," pasabot ni Karylle."Na-explain naman sa amin 'yan before we started shooting for the movie. Established naman na 'yung story ang main focus talaga at hindi kami ni Dingdong."

Matud niya duna hinooy gisaad ang GMA-7 nga movie alang nilang duha ni Dingdong apan nagpaabot pa sila sa tukmang higayon gawas pa kuyog usab sila sa nagpadayon nga pantaseryeng Encantadia.
* * *
Kinsa kining male celebrity nga naaksidente two weeks ago gumikan sa labihan nga ka hubog sa ginadiling droga? Aron inyong masayran ayaw luranga ang pagpakli sa mga pahina sa Banat Hugyaw matag adlaw kay ato ra unya ning mailhan pag-abot sa tukmang panahon.

Ang tsika hinoon sa PangMasa mao nga maong wala mapagya ang maong aksidente tungod kay gipa-news black out sa talent manager sa maong male celebrity ang nahisgutan nga aksidente sanglit sayop ug sala sa nahisgutan ang nahitabo.

Ang nakaparat pa kay nakabangga og anak sa usa ka politico si male celebrity ug inay mangayo og pasaylo ang nahisgutan pa gyud hinoon kini ang nanghagit og sumbagay.

Maayo nalang gani kay nalabyan siya sa iyang higala nga maoy nipugong niya aron dili na mag-eskandalo si male celebrity ug ang maong higala maoy nitawag sa talent manager sa nahisgutan.

To the rescue ang talent manager ug maoy nihangyo sa mga polis nga ihilom na lang ang nahitabo samtang nangayo usab sila og dispensa sa anak sa politico.

Gipaningkamotan sa talent manager nga ma-areglo ang kaso tungod kay mao palay pagpirma nila og kontrata alang sa usa ka commercial diin gikatakda nga sugdan ang shooting tulo ka adlaw human sa maong hitabo.

Matud pa sa PangMasa nga maayo nalang kay walay bisan gamay na lang nga garas sa nawong sa male celebrity nga maoy iyang puhunan nganong siya maoy gipili alang sa nahisgutan nga commercial.

Pwes atangi kon kinsa nga male celebrity ang dunay bag-ong commercial nga molugwa sa telebisyon karong pipila ka adlaw tungod kay mamahimong siya na ang "pasaway" nga ulipon sa ginadiling drugas.

BANAT HUGYAW DINGDONG AND I DINGDONG DANTES IZA CALZADO KARYLLE KAY MAONG MATUD
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with